Førarkort klasse S for snøskuter

Obligatorisk opplæring for lovleg og trygg køyring

Godkjend opplæring etter vegtrafikklova

For å køyre snøskuter i Noreg treng du førarkort klasse S. Opplæringa er obligatorisk og må gjennomførast hos ein godkjend opplæringsorganisasjon. Snøfartsverket AS er godkjend opplæringsbedrift og tilbyr komplett opplæring i tråd med vegtrafikklova og forskrift om trafikkopplæring.

Opplæringa består av teori og praktisk køyring i godkjent øvingsområde, og gir deg den kompetansen du treng for å ferdast trygt i snø og terreng.

Kven treng klasse S?

Du må ta førarkort klasse S dersom:

Du har førarkort klasse B utferda etter 1. juli 2006, eller
Du ikkje har førarkort frå før og ønskjer å køyre snøskuter.

Slik er vegen til førarkort klasse S

Prosessen er enkel og følgjer stega frå Statens vegvesen:

01.

Trafikalt grunnkurs

Må vere gjennomført før du kan delta på opplæringa.

02.

Obligatorisk opplæring hos Snøfartsverket

Teori + praktisk køyring (minst 17 undervisningstimar).

03.

Godkjenning av instruktør

Når opplæringa er fullført og godkjend, kan du gå vidare.

04.

Teoriprøve hos Statens vegvesen

Teoriprøven kan først takast etter at opplæringa er registrert som godkjend.

Teoriprøve – Statens vegvesen

05.

Utstedelse av førarkor

Etter bestått teoriprøve får du førarkort klasse S.

Pris og tilleggskostnader

Kursavgift: 8 600 kr
Baneleige: 1 000 kr (kjem i tilleg og går til grunneigarane)
Leige av snøskuter: Administrert av grunneigarane i øvingsområdet

Faktura for kursavgift og baneleige blir sendt etter påmelding.

Gebyr til Statens Vegvesen

Teoriprøve: 480 kr
Førarkort: 370 / 260 kr (avhengig av betalingstype)

Kursdatoar 2027

Kursdatoar for vinteren 2027 kjem så snart dei er klare, truleg i løpet av november.

Bestill time

Praktisk informasjon

Innhald i opplæringa

Opplæringa består av minst 17 undervisningstimar fordelt over tre dagar. Alle deltakarar må ha gjennomgått trinn 1 – trafikalt grunnkurs før dei kan delta på opplæring for førarkort klasse S. Opplæringa består av teori inne i klasserom, samt praktisk køyring ute. Fyrste kursdag består av grunnkurs, som er teoriundervisning, medan andre og tredje kursdag er kombinasjon av teori og praktisk køyring ute. Alle kursdeltakar skal nytte kvar sitt køyretøy.
Slik er kursdagane

Fyrste kursdag
Klokkeslett: 18.00 – 21.00
Denne kursdagen består av Grunnkurs klasse S. Det vert ei teoriøkt med innlagde pausar. Her møter de to av instruktørane våre.
---
Andre og tredje kursdag
Kurset blir avvikla i godkjent område i Holbygda, Vossestrand.
Adresse: Gilbakkavegen 37, 5713 Vossestrand. Det er ein stor parkeringsplass der den gule sirkelen ligg på kartutsnittet under. Herifrå køyrer me opp i øvingsområdet vårt, på snøskuter.
Klokkeslett: 08.45 – ca. 17.00 - begge dagar
Info før kursstart
- Du må ha fullført trinn 1 – trafikal opplæring før du kjem til oss. Det kan vere greitt å ha søkt om førarkort, men dette er ikkje nødvending før opplæringa startar hjå oss. Dette må vere gjort før du skal ta teoriprøven.
- Last ned appane Norgeskart og Varsom. Dei blir brukte i undervisninga.
Norgeskart: Google Play | App store
Varsom: Google Play | App store
Lokaler og øvingsområde

Lokale:
Me har ikkje noko fast undervisningslokale for fyrste kursdag, så dette kan variere noko.
Andre og tredje kursdag held me teoriundervisninga i Laftastovo. Her er toalett og innlagt vatn.
Laftastovo er grunneigarane i området me er i, og ein god samarbeidspartnar, som legg veldig godt tilrette for at me kan ha god undervisning!
---
Vegskildring til øvingsområdet i Holbygdi:
Sjå kartutsnitt for vegskildring frå E16 over
Ta av ved Vossestrand Barne- og ungdomsskule ved busstoppet. Når du kjem opp i eit tun (lilla sirkel på kartutsnittet) fortset du gjennom tunet, tek til venstre ned ein bakke og rundt eit garasjebygg der det er stor felles parkeringsplass (oransje sirkel). Det er noko stigning opp, så legg inn god tid om du har med eige køyretøy.
Om du vel å køyre på GPS må du vere obs på at den kan leie deg opp ein avkøyrsel tidlegare. Då kjem du ikkje opp!
Lærebok
Kva du må ha med
Ta med deg nok mat og drikke for dagen! Me serverer kaffi, te og kakao inne. Ta med gode kler og personleg utstyr etter vêret, og for å vere i fjellet. Dette kan vere:
- Vinterkler (jakke og bukse/dress)
- Godt og fornuftig innerlag og mellomlag
- Vottar/hanskar
- Vindbriller og evt solbriller
- Hals
- Gode sko til å bruke i snø, skal helst gå over ankelen
- Ekstra ullkler og sokkar
- Du må ha godkjend hjelm under opplæringa (MC eller alpin)
- Om du har kompass kan du ta med dette
Du skal vere kledd for å vere ute frå start av, både andre og tredje kursdag.
Fråvær og vilkår
- Påmelding er bindande.
- Avmelding seinare enn 3 dagar før kursstart blir fakturert i sin heilskap.
- Sjukefråvær må dokumenterast.
- Gi beskjed om skadar, sjukdom eller andre forhold som kan påverke opplæringa.
Snøskuter og utstyr
- Du har ansvar for å skaffe køyretøy sjølv. Snøskuteren skal vere i forsvarleg og forskriftmessig stand (ref. kjøretøysforskrifta).
- Læreplanen krev at alle skal køyre med slede. Derav må skuteren ha krok og du må ha med slede
- Leige av snøskuter blir administrert av grunneigarane i området. (Sjå meir i punktet under)
- Betaling skjer direkte til dei ved utsjekk.
Snøskuterutleige og overnatting

Snøskuter:
Du har moglegheit for å leige snøskuter med slede (kr 3200). Det er Laftastovo som er ansvarleg for utleige. Betaling av skuterleiga skjer ved Vipps ved utsjekk etter endt kurs. Me gjer merksam på at om eleven er under 18 år må forsett signere på utsjekkskjema for skuterleiga etter endt kurs.
Overnatting:
Laftastovo tilbyr overnatting til kr 600 per person per natt, inkludert sengekle og handkle. Du må ha med mat sjølv, men det er gode moglegheiter for matlaging. Betaling av overnatting skjer via Vipps til Laftastovo etter endt kurs.
For meir info

Læring i godkjent øvingsområde

All praktisk opplæring blir gjennomført med instruktørar som har lang erfaring frå snø, fjell og føraropplæring.

Kontakt oss